Një aksident i rëndë ka ndodhur mbrëmjen e sotme në aksin rrugor Lezhë-Mamurras.
Informacionet paraprake njoftojnë se në afërsi të mbikalimit të Milotit, mjeti tip “trajler” me drejtues shtetasin A.L, ka përplasur një çiklist ende të paidentifikuar, i cili nuk ka mundur t’u mbijetojë plagëve të rënda dhe si pasojë ka humbur jetën në vend.
Policia ndodhet në vendngjarje dhe po kryen verifikimet e nevojshme për identifikimin e faktorëve që çuan në këtë aksident të rëndë dhe identifikimin e viktimës, ndërsa mësohet se drejtuesi i automjetit është shoqëruar në komisariat për veprime të mëtejshme.
Njoftimi i Plotë:
Kurbin/Informacion paraprak
Rreth orës 18:45, në aksin rrugor Lezhë-Mamurras, në afërsi të mbikalimit në Milot, mjeti me drejtues shtetasin A.L., ka aksidentuar një biçiklist ende të paidentifikuar, i cili për pasojë ka gjetur vdekjen .
Drejtuesi i automjetit është shoqëruar në Komisariatin e Policisë Kurbin, për veprime të mëtejshme.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
