Lulzim Basha, i shkarkuar nga Kuvendi Kombëtar i 11 dhjetorit si kryetar i PD, ndërsa sot anëtarësia po ratifikon pikërisht këtë vendim të Kuvendit. Paralelisht me votimin e mijëra anëtarëve, Basha ka thirrur në Pallatin e Kongreseve një Kuvend, për të cilin thuhet se janë mbledhur 5004 delegatë, por me shumë pikëpyetje nëse ata e kanë statusin e delegtit apo jo.
Dhe pikërisht me delegatët në sallën, e cila nuk mban më shumë se 2300 persona, por që çuditërisht sot kishte mbi 5 mijë të tillë, u miratuan propozimet e Lulzim Bashës për të cilësuar “nul” të gjitha vendimet e marra nga Kuvendi i 11 dhjetorit, edhe pse më parë Basha nuk e ka njohur si Kuvend por si miting.
Kuvendi i PD-së miratoi gjithashtu vendimin tjetër i cili parashikon shkarkimin nga detyra të Edi Palokës si edhe të anëtarëve dhe sekretarëve të kryesisë.
Në rezolutë u konfirmua shkarkimi i tyre, por duhej që ky vendim i një jave më parë të miratohej nga delegatët e Kuvendit Kombëtar të thirrur ditën e sotme në Pallatin e Kongreseve.
Krahas tyre u përjashtua nga detyrat drejtuese edhe ish-kryeministri Sali Berisha.
U vendos shkarkimi i:
Kryetarit të Këshillit Kombëtar: Edi Paloka
Anëtarëve të kryesisë:
Flamur Noka
Aldo Bumçi
Gent Strazimiri
Albana Vokshi
Oerd Bylybashi
Si dhe sekretarëve:
Ervin Minarolli
Ivi Kaso
Belind Kelliçi
Ledina Mandia.
