Ditë historike për pluralizmin, e ka konsideruar ish-Kryeministri Sali Berisha, referendumin që po zhvillon anëtarësia e Partisë Demokratike. Ai tha se ky është një kapitull i ri në rrugën e rithemelimit të PD dhe pluralizmit shqiptar, një akt madhor për përmbysjen e narkoshtetit.
Berisha tha se kjo është hera e parë kur anëtarët thirren në një referendum për të larguar Lulzim bravën nga posti që kurrë se ka merituar.
“Ne po rithemelojmë opozitën e vërtetë, e cila ka sjellë entuziazëm dhe shpresë të madhe te rinia”, tha Berisha. Sipas tij, deputeti Basha është i shkëputur nga realiteti dhe kur shkëputesh nga realiteti e mohon atë.
Berisha tha se anti-Kuvendi i Lulzim Bashës po bëhet me anëtarët e PS dhe nxënës shkollash. Berisha paralajmëroi mbajtjen e protestës ditën e hënë në orën 16:00 kundër aferës së inceneratorëve dhe kundër Aleksandar Vuçiç, që pritet të vizitojë Tiranën më 20 dhjetor.
Ish-Kryeministri paralajmëroi se shoqata Basha-Bardhi do të ketë të njëjtin fat si narkoshteti.
“Aleanca Rama-Vuçiç po nxit destabilizimin, po vendos Ballkanin në varësinë e Rusisë”, tha Berisha, duke shtuar se Open Balkan është kundër interesit të shqiptarëve.
