Dy ditë më parë, SPAK urdhëroi arrestimin e Lefter Kokës, ish-ministër i Mjedisit, si dhe u shpallën në kërkim, Klodian Zoto dhe Stel Gugullja, lidhur me aferën e inceneratorit të Elbasanit.
Ndërkohë që nën hetim janë edhe dy inceneratorët e tjerë, ai i Tiranës dhe Fierit, Kryeministri Edi Rama dhe zyrtarë të tjerë të Qeverisë Rama, duket se kanë larë durt me Kokën, duke u shprehur se hetimi dhe gjykimi është një akt personal, ndërsa PS nuk do të jetë strehë e askujt që ka probleme me drejtësinë.
Inceneratorët është një nga aferat më të mëdha në 30 vitet e pluralizmit shqiptar, ndërkohë që deri në fund Kryeministri Edi Rama mbronte projektet, të cilat duket se po zberthehen nga SPAK, si skema korruptive.
Në një prej debateve televizive, ku analisti Armando Shkullaku denonconte inceneratorët, Edi Rama me arrogancë i kthehej duke i thënë: në qoftë se nuk do ishin këta si Klodian Zoto ti do ishe pa bukë…
