Gjykata e Kurbinit ka dhënë masën e arrestit me burg për 3 personat e dyshuar për vrasjen e biznesmenit Rakip Roli.
Skënder Lika, Llej Lika babë e bir si dhe një person i tretë i dyshuar si bashkëpunëtor në krim janë lënë në burg.
Kujtojmë se ngjarja e rëndë ndodhi me 10 dhjetor në Sanxhak të Laçit ku babë e bir dyshohet se qëlluan me breshëri ndaj 55-vjeçarit, duke e lënë të vdekur në vend.
Disa ditë më parë Skënder Lika në dëshminë e tij ne polici tha se merrte të gjithë autorësinë e vrasjes, sepse aktin kriminal e kishte kryer si hakmarrje ndaj djemve të Rolit të cilët sipas tij e kishin rrahur brutalisht në korrik të këtij viti.
