Një drekë 15 euro që i kushton jetën. Një 15 vjeçar ndërroi jetën në Itali, pas një dreke me miqtë e tij në një restorant japonez në Vomero, në Napoli, me një menu fikse për 15 euro. Luca Piscopo, 15 vjeç nga Soçavo, student model, më 23 nëntor shkon për herë të fundit në një restorant dhe vdes 9 ditë më vonë.
Tani prokurori i Napolit kërkon të shohë qartë dhe për këtë arsye ka hapur një hetim dhe ka urdhëruar autopsinë. Për momentin, pronari i restorantit dhe mjeku i përgjithshëm që i dha Lucas një terapi me ilaçe që dukej se funksiononte, janë në regjistrin e të dyshuarve për vrasje .
Menjëherë pasi konsumoi sushi, i riu kishte të vjella, diarre dhe temperaturë të lartë. Edhe miqtë që po drekonin me të, kishin simptoma të ngjashme, të cilat duket se janë shkaktuar nga bakteri i salmonelës. Por Luca nuk u shërua kurrë.
Pas simptomave të para, mjeku kishte përshkruar një antipiretik për temperaturën dhe fermente laktike për çrregullimet e zorrëve, më pas i kishte shtuar një antibiotik. Pas një jave, ethet më në fund ishin ulur dhe situata dukej se po përmirësohej dalëngadalë. Në vend të kësaj, më 2 dhjetor, zemra e tij ndaloi.
Tashmë hetuesi kërkon të kuptojë nëse ai ka pasur patologji të mëparshme, edhe nëse familjarët e Lucas pohojnë se “ishte në gjendje të shkëlqyer shëndetësore”, nëse vdekja mund të lidhej vërtet me drekën e sushit dhe nëse mjeku i kishte përshkruar terapinë e duhur. Ndërkohë lokali mbetet i hapur në pritje të autopsisë për zbardhjen e shkaqeve të vdekjes.
