Kategoria Superiore/ Java e 13-të sjell një rekord negativ, ja për çfarë bëhet fjalë

Laçi-Tirana ishte dueli përmbyllës i javës së 13-të në Superiore dhe përkoi edhe me vendosjen e një rekordi negativ në lidhje me golat e shënuar.

Këtë javë u realizuan vetëm pesë gola, më pak se në çdo javë tjetër të këtij kampionati. Një ndeshje u mbyll pa gola, kurse në tre të tjera pati nga një gol. Vllaznia ishte e vetmja që realizoi dy gola.

Deri më tani rekordi negativ ishte ai i javës së gjashtë, kur ishin shënuar 6 gola. Ndryshe kjo javë, atëherë nuk pati asnjë duel që u mbyll pa gola dhe Vllaznia ishte ekipi që pësonte dy herë, nga Kukësi.

JAVA 13

Kastrioti-Egnatia 1-0
Vllaznia-Skënderbeu 2-0

Të hënën
Teuta-Kukësi 0-0
Partizani-Dinamo 1-0

Të martën
Laçi-Tirana 1-0