Një ngjarje e rëndë ka ndodhur në orët e para të mëngjesit të sotëm në Tiranë, ku një 29-vjeçar është vrarë me armë zjarri në rrugën ‘Irfan Tomini’.
Viktimë ka mbetur Jurgen Duka, ndërsa raportohet se ngjarja ka ndodhur pas një sherri mes viktimës dhe një personi tjetër ende të paidentifikuar.
Fillimisht Duka ka mbetur i plagosur, ndërsa ka ndërruar jetë në spitalin e Traumës në Tiranë.
Sakaq, policia ka marrë në pyetje disa persona në lidhje me krimin ndërsa dyshohet se të rinjtë kanë qenë të dehur.
Autori dyshohet se u largua nga vendngjarja me një automjet tip “Benz”.
“Me datë 14.12.2021, rreth orës 00:20, në rrugën ‘Irfan Tomini’, shtetasi Jurgen Duka (M)., është konfliktuar me një person ende të paidentifikuar. Personi ende i paidentifikuar ka qëlluar me armë zjarri ku ka mbetur i plagosur shtetasi Jurgen Duka (M)., rreth 29 vjeç. Si pasojë e plagëve të marra, shtetasi Jurgen Duka (M)., ka ndërruar jetë në Spitalin Universitar të Traumës. Shërbimet e Policisë kanë kaluar menjëherë në vendngjarje, dhe Grupi hetimor, nën drejtimin e Prokurorisë ka sekuestruar prova materiale që shërbejnë për të identifikuar autorin e ngjarjes. Janë marrë në pyetje shoku i shtetasit Jurgen Duka (M)., dhe persona të tjerë në vendngjarje. Vijon puna për identifikimin e kapjen e autorit”, njoftoi policia.
Lexo edhe:
I riu u qëllua pas sherrit në Tiranë/ Detaje nga vrasja në Tiranë
