Lulzim Basha ka mbledhur një pjesë të deputetëve demokratë dhe raportohet se u ka dhënë porositë për përgatitjet për “Kuvendin Kombëtar” në datë 18 dhjetor.
Referuar raportimeve mediatike “në këtë mbledhje, Basha u dha udhëzime deputetëve demokratë që në veçanti tu gjenden pranë familjeve dhe bizneseve që kanë vuajtur pasojat e përmbytjeve të ditëve të fundit. Po ashtu, Basha kërkoi nga deputetët që po kështu aktivitetin parlamentar të javës ta ndërthurin me aktivitetin përgatitor në strukturat e Partisë në lidhje me përgatitjet për Kuvendin Kombëtar të thirrur nga Kryesia e Partisë Demokratike këtë të Shtunë, në datë 18 dhjetor”.
Në Kuvendin e PD-së zhvilluar në “Air Albania” në 11 Dhjetor u vendos shkarkimi i Bashës nga drejtimi i PD-së, si dhe u anulua zhvillimi i një tjetër Kombëtar më 18 Dhjetor. Në këtë datë – 18 Dhjetor, Kuvendi vendosi zhvillimin e një referendumi lidhur në të gjitha degët e Partisë Demokratike në vend, ku do të votohet nëse janë dakord ose jo me shkarkimin e Lulzim Bashës si kryetar i PD.
