Ish-kryeministri Sali Berisha ka bërë apel për tu bashkuar në Kuvendin e PD-së që zhvillohet nesër në Air Albania.
“Nesër ora 10:00 në Air Albania dita e historisë! Rithemelimi i Partisë Demokratike! Rroftë Partia Demokratike”, shkruan Berisha në një postim në rrjetet sociale, ku poston dhe një video nga fjalimet e mëparshme, që ka mbajtur në kuadër të takimeve me demokratë, të pagëzuar “Foltorja”.
“Të bashkohemi në një lëvizje të fuqishme për rithemelimin e PD-së… Do vijmë në pushtet me thirrjen, njerëz të ndershëm, atdhetarë, idealistë gra dhe burra të lirë, të bashkohemi për të kthyer Shqipërinë në vlerat e saj, Rroftë Shqipëria”, shprehet Berisha në video.
