Një ngjarje e pazakontë raportohet të ketë ndodhur në Kosovë, ku një 15 vjeçare ka sjellë në jetë një foshnjë, me një burrë të moshës 29-vjeçare.
Mediat e Kosovës, bëjnë me dije se kanë qenë mjekët që kanë raportuar rastin në polici pasi kanë marrë vesh moshën e të miturës, që solli në jetë djalin.
Në Kosovë sipas ligjit, martesa me një të mitur është e dënueshme nga 5 deri në 20 vjet.
Por pavarësisht se mjekët kanë bërë denoncimin, autoritetet nuk e kanë arrestuar të atin e djalit, i identifikuar si Avdi Krasniqi.
Martesa e Krasniqit dhe vajzës N.M. u krye me pëlqim të të rriturve. Po ashtu sipas ligjit dënohen me 20 vite burg prindi që lejon martesën e vajzës apo djalit të mitur.
Ndërkohë për mediat e Kosovës, babai i djalit që ka fëmijë me të miturën, ka deklaruar se kjo e fundit ka këmbëngulur që të martohet me patjetër me 29-vjeçarin.
“Ka thanë s’bon bre babë je e re anej knej, baba i vet, kjo i ka thanë ja qeta ja e mys veten tjetër sdu, atehere o ardhë baba i vet e jena marrë vesh ndërmjet veti qysh e kemi adet” – ka deklaruar babai i djalit që ka fëmijë me të miturën.
Sakaq, babai i djalit që ka ardhur në jetë nga 15 vjeçarja nuk ka pranuar që të flas për mediat.
