Moti i keq me stuhi e reshje të dendura shiu ka shkaktuar vonesa në lëvizjen dhe ankorimin e trageteve.
Trageti i linjës Vlorë-Brindisi-Vlorë më 118 pasagjerë dhe një numër të konsiderueshëm automjetesh, kamionësh dhe autobusësh ka mundur të ankorohet pas 10 orësh në det të hapur.
Pas ankorimit të tragetit pasagjerët tregojnë se ka qenë një udhëtim i vështirë, ndihen të lodhur dhe pohojnë se kanë qëndruar në det të hapur për më tepër se 10 orë, dhe se nuk i është ofruar asgjë falas nga kompania.
-“Jemi nisur që pardje. Ishte shumë e lodhshme, e mundimshme. Mbi të gjitha e turpshme. Absiolutisht asnjë njoftim. Hicc asgjë për të ngrënë nuk na dhanë. Vetë kemi blerë. Nuk merr askush në konsideratë. Cca do na bënim vetëm të na vrisnin. Asnjë shpjegim, vetëm kushtet klimatike thonin. Pritej vetëm vdekja sigurisht. Fëmijë të vegjel kishte që qanin.”
Ndonëse nuk ishte faji i udhëtarëve që u vonua trageti, ata tregojnë se i kanë blerë vetë ushqimet deri në 15 euro një pjatë makarona apo 2 euro një shishe ujë.
-“Për ne që ishim të rinj jo, por për ata që ishin të vegjel dhe të moshaur ishte e lodhshme. Nuk na ka lajmëruar askush. Kemi blerë atje ushqimin, 15 euro një pjatë makarona. Cdo gjë i kemi blerë vetë. Dallgëzim shumë. Kishte njerëz pa dhoma”.
Trageti ka mbërritur në Vlorë rreth ores 6:00 të mëngjesit, po pa mundur të ankorohet për shkak të motit të perkeqësuar.
Vetëm rreth orës 17:00 të pasdites së kësaj të enjte, trageti është ankoruar në portin e Vlorës, ndërsa 118 pasagjerët kanë zbritur shëndoshë e mirë.
