Ministrja e Shëndetësisë, Ogerta Manastirliu, ka nxjerrë një urdhër të ri, që është botuar në Fletoren Zyrtare, që ndalon grumbullimet në ambiente të hapura ose të mbyllura, deri më 13 dhjetor, bazuar në rregullat anti-Covid.
Ky urdhër ka shtyrë në kohë ndalimin e grumbullimeve nga data 29 nëntor, deri më 13 dhjetor, pra me dy javë.
Ndërkohë që më 11 dhjetor, ish-Kryeministri Sali Berisha, i mbështetur nga rreth 5 mijë delegatë, sipas burimeve zyrtare nga Foltorja, në Air Albania, pritet të mbledhë Kuvendin Kombëtar.
Por a do mundet që urdhëri i Manastrliut të shërbejë si një arsye për të penguar Kuvendin e 11 dhjetorit?
Burime zyrtare nga Foltorja bënë të ditur se Kuvendi Kombëtar do të mblidhet më 11 dhjetor, në Air Albania, dhe askush nuk mund të ndalë vullnetin e demokratëve.
“Kuvendi do zhvillohet dhe do të çlirojë Partinë Demokratike nga pengmarrja e Edi Ramës”, shprehen burimet.
Një ditë më parë urdhëri i Manastirliut gjithashtu u zhvleftësua nga Kryebashkiaku Erion Veliaj, i cili në një sallë të mbyllur mblodhi të rinj dhe gjimnazistë në kuadrin e Ditës së Rinisë.
