Një 68-vjeçar u gjet i pajetë në rrugë në Kakavijë këtë të Mërkurë. Sipas policisë, dyshohet se vdekja e tij mund të ketë ardhur nga “shkaqe natyrale”.
“Rreth orës 08:30, nga shërbimet e patrullës së kufirit të gjelbër Kakavije, në rrugë, në fshatin Kakavije-Gjirokastër, është gjetur i pajetë shtetasi P.S., rreth 68 vjeç, banues në Gjirokastër. Nga këqyrja paraprake e trupit nuk vërehen shenja dhune. Gjithashtu nga veprimet paraprake hetimore, dyshohet se vdekja mund të jetë shkaktuar nga shkaqe natyrore”, njoftoi policia.
Grupi hetimor ndodhet në vendngjarje dhe po punon për sqarimin e rrethanave të ngjarjes, shtuan të njëjtat burime.
