Ish-deputeti demokrat Mark Marku u shpreh mbrëmjen e sotme në emisionin “Opinion” se Sali Berisha do e zhvillojë Kuvendin e tij Kombëtar, por nuk do e marrë dot Partinë Demokratike.
Marku tha se zgjidhja më e mirë do të ishte një referendum, por duhej një organizim.
“Berisha do e mbajë Kuvendin, por Partinë Demokratike nuk do të mund ta marrë, pasi nuk u respektua asnjë pikë e statutit të partisë. Berisha ishte ai që caktoi datën e Kuvendit, ishte ai që përcaktoi rendin e ditës, ishte ai që përcaktoi vendin ku do mbahet Kuvendi”, tha Mark Marku.
Ai u shpreh se është koha pvr një rithemelim të PD, por deri më tani nuk po duket se kjo do të ndodhë, pasi edhe Brisha nuk ka një platformë se si do të mund të realizohet kjo.
