Ramazan Rraja i shpallur në kërkim si një ndër tre personat e përfshirë në ngjarjen e ndodhur në Lezhë, ku hynë të maskuar dhe të armatosur në një lokal më 13 Nëntor, rezulton një emër i njohur për policinë.
Në Dhjetor të vitit të kaluar, Ramazan Rraja u arrestua nga policia në kuadër të një operacioni ndërkombëtar për shkatërrimin e një bande së kokainës.
“Në kuadër të operacionit ‘ATOS’, në periudha të ndryshme gjatë vitit 2019 dhe vitit 2020 janë sekuestruar nga Policia belge, në bashkëpunim me Policinë shqiptare, rreth 232 kilogramë kokainë, një armë zjarri pistoletë, si dhe rreth 200 mijë euro. Ky grup kriminal funksiononte duke ngarkuar lëndën narkotike në kontenierët e bananeve nga Amerika Latine, duke e fshehur lëndën narkotike në arkat e bananeve dhe në trupin e kontenierëve. Pasi kontenierët e pajisur nga trafikantët me GPS mbërrinin në destinacion, trafikantët, për të mos u identifikuar dhe zbuluar, organizonin vjedhje me armë të lëndës narkotike nga magazinat ose dhomat e pjekjes së bananeve”, njoftoi asokohe policia.
Blutë bënë me dije se SPAK ka nisur dhe një hetim pasuror për të, por deri më tani, Prokuroria e Posaçme nuk ka dalë me një njoftim lidhur me hetimet.
Më pas, Rraja u lirua. Sipas raportimeve mediatike, ai u la i lirë pas një vendimi nga autoritetet belge.
Në muajin gusht të 2020, Ramazan Rraja u shfaq në një video që u bë virale, duke goditur në mënyrë shtazarake një vajzë pranë ambienteve të QSUT-së, në sy të policisë.
Më herët, emri i tij del i përfshire edhe në çështjen “Xhisiela”. Ish-efektivi i policisë Emiljano Nuhu është shprehur se është kërcënuar nga Ramazan Rraja, nipi i deputetit socialist Rrahman Rraja. Ramazan Rraja u kallëzua nga Nuhu, por edhe nëtë rast, hetimet ndaj tij u pushuan.
Lexo edhe:
Të armatosur në një lokal në Lezhë, një prej autorëve nipi i deputetit socialist
Ngjarja në Lezhë/ U kap me armë pa leje, por qëndroi vetëm 3 ditë në qeli. Si u lirua shoku i Rrajës
