Krist Aliaj, djali i Robert Aliaj, është fronist në “Love Story” dhe po kërkon dashurinë. Roberti në pozicionin e opinionistit, i duhet ta gjykojë, këshillojë apo kritikojë.
Gjatë një interviste në “ABC-ja e Pasdites”, ai pohoi se nuk ishte aspak dakord për pjesëmarrjen e të birit në program, por që Kristi është një djalë i rritur dhe ka arsyet e veta, që është në atë program.
“Si baba mua nuk më takon të ndërhyrj. Në asnjë rast nuk ndërhyj në asgjë, edhe kur ka qenë më i vogël. Gjithmonë kam dashur që djali im ta vrasë simbolikisht figurën e babait të vet. Arsyet se pse erdhi ai i di vetë”, tha ai.
Roberti tha se nuk e beson fare që i biri do gjej nuse në program, sepse është rritur me modelin e nënës së tij që është shumë kërkuese.
Teksa qeshte tha: “Nuk besoj fare, por ai e di vetë. Unë nuk kam qenë dakord që të vijë. Kristi është një djalë i vështirë, ka model femëror mamanë e vet dhe është jashtëzakonisht e vështirë kjo gjë se është një femër që ka jashtëzakonisht shumë kërkesa”.
