Ministria e Arsimit në Greqi ka shkarkuar nga puna një mësues mashkull të një shkolle profesionale në Atikë, i cili u kap në një video duke goditur një nxënëse në klasë.
Këshilli Rajonal i Arsimit të Mesëm u mblodh dhe vendosi të ndërpresë kontratën e mësuesit për shkak të sjelljes së keqe.
Në video, mësuesi në shkollën e paidentifikuar shihet duke goditur dy herë vajzën – e cila thuhet se është 16 vjeçe. Fillimisht e godet me shuplakë dhe më pas i tërheq flokët para se ta hedhë në tokë, ku e godet sërish.
Më pas, shokët e klasës së vajzës nxitojnë ta mbrojnë atë dhe sulmojnë mësuesin. Njëri prej nxënësve godet mësuesin me duar dhe këmbë dhe më pas tenton ta sulmojë me karrige.
Ndërsa është ende e paqartë se si ka nisur sulmi në klasë.
