Deklarata e Beatrix Ramosaj dhe Donald Veshaj se kanë një pëlqim për njëri-tjetrin dhe po nisin një histori të re së bashku ka nxitur reagime të ashpra në rrjet. Kjo vjen pas historisë që aktori kishte me moderatoren Bora Zemani të cilës i premtoi se do dilte vetëm nga “BBV” dhe i kërkoi publikisht ta priste, e më pas i dhuroi edhe një puthje në buzë.
Mbrëmjen e djeshme, Donaldi reagoi i prekur kur mësoi se në fakt Bora po e priste, ndryshe nga ç’ka ai kishte menduar. Më pas, ai pranoi se kapitulli me moderatoren është i mbyllur ndërsa Beatrix nga ana tjetër, edhe pse i kërkoi falje Borës shtoi se ndjenjat e saj për aktorin nuk ndryshojnë.
Personazhe të njohur të ekranit e rrjeteve sociale kanë komentuar gjithashtu rastin e këtij “trekëndëshi”. Stresi ka reaguar në një koment në intv.al, por më pas e ka fshirë.
“Me gjithë respektin sepse i njoh pothuajse gjithë aty. S’ka më degjenerim e degradim se këtë vit”, shkruan Stresi.
Kujtojmë se Stresi dhe Donaldi janë jashtë miq të mirë.
