Ish-kryeministri Sali Berisha ka rikujtuar mëngjesin e sotëm me një mesazh, se kanë mbetur dhe 6 ditë deri në mbajtjen e Kuvendit të 11 Dhjetorit për demokratët dhe për opozitën.
“Edhe 6 ditë deri në Kuvendin e PD-së, – ka theksuar Berisha në Fb. – Më të bashkuar, më të fortë, më të hapur”.
Nismëtari i lëvizjes “Foltorja” për ringritjen e Partisë Demokratike po avancon drejt Kuvendit të 11 Dhjetorit me një numër delegatësh ndjeshëm në rritje nga dita në ditë.
Edhe sot, më 4 dhjetor, degët e PD-së në Shkodër, Pukë, Malësi e Madhe dhe Vau i Dejës pritet të lexojnë publikisht në selinë e PD-së, emrat e delegatëve që kanë firmosur formularin për mbledhjen e Kuvendit Kombëtar të 11 Dhjetorit.
