Drejtuesja e Institutit të Shëndetit Publik, Albana Fico, është emëruar sot krye të Qendrës Spitalore Universitare “Nënë Tereza”.
Lajmi është bërë me dije nga ministrja e Shëndetësisë, Ogerta Manastirliu, e cila shprehet se Fico do të çojë përpara projektet e mëdha.
“Prof. Albana Fico emërohet në drejtimin e QSUT-së, për të çuar përpara projektet e mëdha të modernizimit të qendrës më të madhe spitalore në vend. Faleminderit Enkelejd Jotit për punën në këto vite jo të lehta”, shkruan Manastirliu në një postim në rrjetet sociale.
Fico zëvendëson në këtë post Enkelejd Jotin, i cili u zgjodh drejtor i RTSH-së.
