Edhe në Komisionin për Edukimin dhe Mjetet e Informimit Publik, deputetët e Partisë Demokratike, kanë ngritur me shqetësim mesazhet provokuese dhe fyese të deputetit Bujar Çela, i cili në ditën e Pavarësisë, uroi me foto të diktatorit Enver Hoxha.
Deputeti demokrat Agron Gjekmarkaj u shpreh se si Komision do të mbahet qëndrim kritik ndaj deputetit.
Gjekmarkaj tha se beson se edhe kolegët e mazhorancës do të mbajnë qëndrim ndaj gjestit të Çelës.
Në përgjigje, zv/kryetari i Komisionit Petro Koçi deklaroi se PS është e distancuar qartazi nga periudha e diktaturës. “Kuptohet që në krye të kësaj diktature ka qenë Enver Hoxha”, tha Koçi.
Por deputeti Luçiano Boçi, nuk është rastësi që një deputet gjen shtegun për të rehabilituar diktatorin. Ai shton se ky është projekt për të rikthyer një mentalitet, një ideologji.
