Këtë pasdite, “Foltorja” zhvendoset në Tropojë.
Takimi me demokratët i ish-kryeministrit Sali Berisha do të zhvillohet në Pallatin e Kulturës të Bajram Currit, duke nisur nga ora 16:30.
“Drejt Vendlindjes! Rroftë Malësia e Gjakovës”, shkruan Berisha këtë të Mërkurë në një postim në rrjetet sociale, duke shpërndarë edhe një video me pamje nga vizita të mëparshme të tij në Tropojë. Në video, i bëhet apel demokratëve për t’iu bashkuar “Foltores”.
“Në rrugën drejt 11 Dhjetorit Tropoja pret Foltoren e shpresës. Ftojmë të gjithë demokratët të bashkohen me Sali Berishën, të Mërkurën, ora 16:30 në ambientet e Pallatit të Kulturës ‘Dardania’. Së bashku për një PD më të hapur, më të fortë dhe më të bashkuar drejt fitores”, thuhet në mesazhin në video.
