Afrimiteti i tepërt i Donaldit me Beatrixin është vënë re dhe nga banorët e shtëpisë së “Big Brother”.
Së fundmi, Sarah e ka pyetur këngëtaren se çfarë ndjen për Donaldin. Beatrix ka refuzuar të përgjigjet duke thënë “Nuk kam dëshirë t’i jap një vulë”, mirëpo sipas Einxhelit dhe Antonelës “gjithçka është shumë e qartë”.
“Gjithçka është shumë e qartë. Nuk ka nevojë ta thotë me fjalë, nuk ka nevojë për konfirmim, nuk ka nevojë për koment. Gjëja është shumë mirë dhe këto janë shumë në rregull”- janë shprehur vajzat.
Më tej Einxhel ka vazhduar duke i thënë Beatrixit se pëlqimi mes saj dhe Donaldit ka qenë i paevitueshëm. Sipas saj, lidhja mes aktorit dhe Bora Zemanit është thyer dhe nuk ngjitet më.
