Aktorja e njohur e njëkohësisht edhe deputete e Kuvendit të Kosovës, Adriana Matoshi, zbuloi ditën e djeshme se i është rikthyer tumori në kokë, për të cilin është operuar edhe para 9 vitesh.
Me anë të një postimi në rrjetet sociale, Matoshi shkruan se të mërkurën duhet të përballet sërish mes jetës dhe vdekjes, por e di që do vazhdojë, pasi rrugëtimi i saj është shumë i gjatë.
Behgjet Pacolli i ka ofruar ndihmën e tij aktores së njohur. Ky i fundit i ka shkruar deputetes së Kosovës se është në dispozicionin e saj nëse ajo konsideron se ndihmën mjekësore duhet ta kërkojë jashtë Kosovës.
“Adriana unë uroj nga zemra që të kurohesh nga kjo kokëdhimbje sa më shpejt. Të lutem mos harro se jam në dispozicionin tënd nëse mendoni se jashtë vendit, në Zvicër apo gjetiu do të ishte më mirë të vazhdosh të merresh me këtë problem që po të shqetëson tani. Më thuaj të lutem!”- ka shkruar Pacolli.
