Një 38-vjeçar në Peshkopi është arrestuar për kontrabandë nga Maqedonia e Veriut.
“Nga Specialistët për Hetimin e Krimit Ekonomik dhe Financiar në DVP Dibër u vu në pranga shtetasi E. Sh., 38 vjeç, pasi ky shtetas është kapur në flagrancë duke transportuar mallra të ndryshëm me automjetin e tij për të cilat nuk kishte faturë shoqëruese dhe dyshohet që i ka futur kontrabandë nga Maqedonia e Veriut, me qëllim tregtimin e tyre në marketin e tij. Nga kontrolli i ushtruar nga shërbimet e Policisë në marketin tij u gjetën dhe u sekuestruan në cilësinë e provës materiale një tjetër sasi e konsiderueshme mallrash të ndyshme, të pa shoqëruara me dokument përkatës, të cilat dyshohet se kanë hyrë kontrabandë”, njoftoi policia.
Materialet procedurale i kaluan Prokurorisë pranë Gjykatës së Shkallës së Parë Dibër për veprime të mëtejshme, shtuan të njëjtat burime.
