Një ngarkesë me rreth 75 mijë veshje të ndryshme që kapte në treg vlerësn e 8 milionë eurove është sekuestruar nga Guardia di Finanza italiane në Venecia, pasi rezultojnë të jenë false dhe do tregtoheshin si prodhim “Made in Italy”.
Ngarkesa me veshje sipas hetuesve është prodhuar në Shqipëri, Bullgari e Tunizi dhe mbartin eiketat e falsifikuara “Made in Italy” dhe “FINEST ITALIAN FABRICS”.
Sipas mediave italiane, operacioni, i kryer nga Portogruaro Group, buron nga një kontroll rrugor që u krye ndaj një kamioni që vinte nga Bullgaria dhe mbante një sasi të mëdha veshjesh me shkrimin “MADE IN ITALY”.
Hetimet e mëvonshme, të koordinuara nga Prokuroria Publike në Gjykatën e Pordenones, bënë të mundur konstatimin se fazat e përpunimit, prodhimit dhe paketimit të veshjeve që prodhoheshin jashtë vendit, ndryshe nga sa pretendohej.
Veshjet prodhoheshin dhe paketoheshin në Bullgari, Shqipëri dhe Tunizi, për t’u importuar më pas në Itali nga një kompani me qendër në Breshia.
Autoriteti Gjyqësor kompetent lëshoi dekrete të posaçme kërkimi dhe sekuestrimi ndaj mbi 400 bizneseve që operonin në të gjithë Italinë, klientëve të shtëpisë së modës “Brescia” dhe shitësve me pakicë që nuk kishin dijeni për veshjet e rreme.
