Policia italiane ka arrestuar dy shqiptarë, pasi akuzohen se kanë kundërshtuar me forcë efektivët e policisë.
Mësohet se shtetasit me iniciale B.O 32-vjeç dhe D.A 33-vjeç, janë pikasur duke bërë një sherr të dhunshëm me njëri tjetrin, ndërsa në një moment ka ndërhyrë policia për t’i ndarë.
Raportohet se në sherr e sipër dy shqiptarët kanë sulmuar policinë. Fillimisht ka qenë e pamundur shoqërimi i dy shqiptarëve në polici. Pas disa minutash dy të rinjtë janë vënë në pranga, ndërsa tashmë do të përballen me akuzat e dhunimit të efektivëve të policisë.
