Një 45-vjeçar ka përfunduar në spitalin rajonal të Fierit pasi u godit me kosë nga vëllai i tij. Ngjarja ka nddhur në fshatin Lalar, ku një sherr i nisur për motive të dobëta ka përfunduar në përdorimin e kosës nga njëri vëlla ndaj tjetrit. Policia ka arrestuar 50 vjeçarin A.F, ndërsa vëllai i tij B.F ndodhet në spital nën kujdesin e mjekëve.
Njoftimi nga Policia
Specialistët për Hetimin e Krimeve në Komisariatin e Policisë Fier arrestuan në flagrancë shtetasin A. F., 50 vjeç, banues në Lalar, Fier, pasi për motive të dobëta, ka goditur duke e dëmtuar lehtë me mjet prerës (kosore) vëllain e tij, shtetasin B. F., 45 vjeç, i cili ndodhet në spitalin e Fierit nën kujdesin e mjekëve.
