Gazetari Klodian Tomorri ka denoncuar në rrjetet sociale tenderin që ka zhvilluar materniteti “Mbretëresha Geraldinë” për shërbimin e lavanderisë. Tomorri shkruan se fondi limit në këtë tender ishte 1 milion e 625 mijë euro, ndërsa oferta fituese ishte 1 mln e 622 mijë euro ose 99.99 % e fondit limit.
Tomorri shkruan se në tender kanë marrë pjesë dy firma, por ajo që paraqiti ofertën më pak se 1.3 mln euro është skualifikuar për mospërmbushje kushtesh.
“Tani, këto tenderat e shendetësisë janë një gropë e madhe korrupsioni, në të gjithë spektrin e tyre. Si ato që bën Ministria, si ato që bën QSUT si ato që bëjnë spitalet rajonale apo maternitetet.
Blerje ilacesh, blerje ushqimesh, lavanderi, koncesione. Këta po e vjedhin shëndetësinë në një mënyre të frikshme. Dhe nuk ka asnjë që të jetë hetuar, lëre më arrestuar, për gjithë këtë batërdi kriminale”, shkruan Tomorri.
Postimi nga Klodian Tomorri
SPAK…..
Shikoni pak cfare tenderi ben Materniteti Mbreteresha Geraldine. Ka tenderuar sherbimin e lavanderise per 4 vjet dhe fondi limit ka qene 1 milione e 625 mije euro.
Oferta fituese eshte shpallur me 1 milione e 622 mije euro, pra 99.99 per qind e fondit limit. Ne nje tender me mbi 1.6 milione euro garohet me vetem 3 mije euro.
Ne fakt, ne gare jane paraqitur dy oferta. Oferta tjeter ka qene me pak se 1.3 milione euro, por e kane skualifikuar per mospermbushje kushtesh.
Nuk e di nese eshte skualifikuar me apo pa te drejte kjo oferta e ulet. Por di me siguri kete. Ka zero shanse, qe ne nje tender me gare te fitohet me 99.99 per qind te fondit limit. E para, vete bizneset nuk hyjne me oferte 99.99 per qind te fondit limit se e dine qe jane automatikisht te humbur.
Kjo lloj oferte, paraqitet zakonisht kur gara eshte vrare dhe kostumi eshte qepur perpara se te behet tenderi. Tani, keto tenderat e shendetesise jane nje grope e madhe korrupsioni, ne te gjithe spektrin e tyre. Si ato qe ben Ministria, si ato qe ben QSUT si ato qe bejne spitalet rajonale apo maternitetet.
Blerje ilacesh, blerje ushqimesh, lavanderi, koncesione. Keta po e vjedhin shendetesine ne nje menyre te frikshme. Dhe nuk ka asnje. qe te jete hetuar, lere me arrestuar, per gjithe kete baterdi kriminale.
