Një aksident me dy të plagosur ka ndodhur në aksin Burrel-Milot këtë të Hënë. Të lënduarit raportohet se ndodhen jashtë rrezikut për jetën. Ata janë drejtuesi dhe pasagjerja në një automjet që ka dalë nga rruga.
“Në aksin rrugor Burrel-Milot, shtetasi D.S., duke drejtuar automjetin e tij ka humbur kontrollin dhe ka dal nga rruga ku si pasojë është lënduar drejtuesi i mjetit dhe pasagjerja B.S., të cilët po marrin ndihmë mjekësore në spital dhe ndodhen jashtë rrezikut për jetën”, njoftoi policia.
Grupi hetimor vijon hetimet në vendngjarje për zbardhjen e shkaqeve të aksidentit, shtuan të njëjtat burime.
