Ish-deputeti Arben Ristani, i cili ka mbajtur postin e kreut të KQZ gjatë përballjes për Bashkinë e Tiranës mes Edi Ramës dhe Lulzim Bashës, ka folur në ‘Opinion për këtë ‘Betejë’ të rikthyer në retorikën politike të ditëve të fundit.
I pyetur nga Fevziu nëse fitorja e Bashës ndaj Ramës ishte legjitime apo u përdor ndonjë truk, Ristani tha se ka zbatuar vetëm ligjin.
Ndërsa shtoi se ai nuk ka patur asnjë takim apo telefonatë me kryeministrin e kohës Sali Berisha gjatë kohës që mbante pozisionin e kreut të KQZ-së, me përjashtim të një rasti.
Ndërkohë Ristani tha se ai ka qenë edhe i kërcënuar me vdekje sëbashku me familjen atë periudhë, por në fund zgjodhi të respektojë ligjin.
Pjesë nga intervista:
Fevziu: Ristani na thuaj një të vërtetë. si fitoi Basha. Ligjërisht apo bëtë noj truk?
Ristani: Kam respektuar ligjin. Vota në kuti të gabuar është e ligjshme, dhe është futur në ligj pas asj që bëra unë. Unë e zgjidha duke u bazuar në Kushtetutë.
Fevziu: Kush ua kërkoi?
Ristani: Kërkesa erdhi nga juristët e PD.
Fevziu: Noj telefonatë nuk ju erdhi?
Ristani: Ju betohem që me Berishën pata një takim kur erdhi Gloveri, nuk kam e kam takuar në 4 vjet asnjëherë tjetër. Mua më kanë kërcënuar me vdekje bashkë me familjen.
