Një trup i dekompozuar është gjetur në një zonë malore mes Tiranës dhe Elbasanit, ndërsa mendohet se i përket Eglant Koçit, 34-vjeçarit të zhdukur prej 4 qershorit.
Trupi nuk është gjetur i groposur. Ai është konstatuar gjatë verifikimeve nga ajri me dron, në një terren të vështirë, ku prej ditësh po zhvilloheshin kërkime intensive nga policia.
Identifikimi i viktimës pritet të kryhet përmes ekspertizave mjeko-ligjore dhe analizave laboratorike, të cilat do të përcaktojnë nëse trupi i përket Eglant Koçit.
Eglant Koci ishte raportuar i zhdukur dy javë më parë dhe kërkimet për gjetjen e tij kishin vijuar në disa zona.
Në kamerat e sigurisë nga ambienti ku Koci u mbajt peng dhe dyshohet se u vra nga shoku i tij Armand Shakaj, ky i fundit shfaqej teksa me një çantë dhe qese të zeza tërheq diçka të dyshimte ky dyshohej se ndodhej trupi i pajetë i Kocit.
Çantën dhe qesen Shakaj i vendosi në makinën e tij, ndërsa dyshohet se në ‘Porsche’ ai e ka mbajtur trupin për më shumë se 24 orë.
Më pas Shakaj kishte marrë një karrotrec dhe mjetin e transportoi me të deri në Ibë, me argumentin se kishte defekt makine.
Prej andej është larguar me mjetin e tij ku dhe dyshohej të kishte zhdukur trupin e Eglant Koçit.
Makina e Shakajt u gjet dhe u sekuestrua pas ngjarjes teksa kamarieri i tij e kishte çuar në një lavazh për ta larë. Brenda makinës u gjetën zhurmë gjaku dhe vegla pune si lopata me baltë.
Dyshohet se është trupi i pajetë i të riut është hedhur në një humnerë fshatin Cerujë, ndërsa ka qenë një dron i policisë që e ka lokalizuar.
