Sektori i Garave pranë Federatës Shqiptare të Futbollit ka ndryshuar sërish axhendat për ndeshjet e Partizanit dhe të Kukësit. Të kuqtë do të presin Laçin në shtëpi dhe këtë herë janë të detyruar të luajnë në “Elbasan Arena”.
Në orën 19:45 është programuar të zhvillohet ky takim i vlefshëm për javën e nëntë të Superiores.
Gjithashtu, edhe axhenda e ndeshjes mes Kukësit dhe Tiranës ka ndryshuar. Fillimisht u tha që verilindorët do të përballeshin me bardheblutë në “Air Albania”, por tashmë është vendosur përfundimisht që të zhvendosen në Shkodër. Kësisoj takimi Kukësi – Tirana do të zhvillohet të hënën në orën 19:45.
