Në replikën e tij ndaj Lulzim Bashës, të cilin e quajti një njeri që flet si i dehur, pasi ka kaluar një natë në lokal ku dhe është rrahur, Edi Rama akuzoi kreun e PD-së se pse nuk ka shkuar në gjykatën belge, për të dëshmuar për çështjen e Toyota Yaris.
Rama tha se këtë informacion për Bashën, e ka ditur edhe përpara se kjo temë të ishte një akuzë në foltoren e Sali Berishës.
“Sa herë të kanë thirrur në Belgjikë për Toyota Yaris, sa herë të kanë thirrur, pse nuk ke shkuar. Jo , jo e kam ditur para foltores unë, por s’ta kam thënë.
Mesa dëgjova unë tani gjendja është e rëndë fare, u bë këtu njësoj si të na kishte ardhur këtu ai tjetri, por ai është origjinali, është origjinali ai. Kujt ti besojnë shqiptarët?
Bëj një reflektim, mbahu more burrë, mbahu…”, tha Rama.
Sapo Basha mori fjalën për replikë, Rama u largua nga salla, ndërsa kreu demokrat u shpreh “kur nuk e përballon dot debatin, shkon te dhoma e miellit”.
“Më drejtohet mua dhe më thotë pse nuk shkon në Belgjikë. Po shko në SPAK dhe merr fotokopjen e dëshmisë time, për autoriteteve belge dhe shqiptare për çështjen e Toyota Yaris. E ke në SPAK, merre dhe botoje. Po ta kisha unë do ta botoja. Mos u fshih tek dhoma e miellit por thuaju shqiptarëve se me çfarë morali vjen këtu dhe i kërkon deputetëve të tu për të ngritur dorën për të marrë sërish borxh. Nuk do t’i kishe ikur dot as 20 vjet përpara kur tashmë çdo akrobaci do të thyente gjuhën.
Sa herë të ballafaqojmë me të vërtetën dhe me vjedhjen e përditshme, sillesh dhe vërtitesh me të njëjtat epitete. Halli i shqiptarëve është prioriteti ynë. Mekanizmin e votës e ke bllokuar, voto vetingu në politikë. Kjo betejë do të shkojë deri në fund, me forcën e qytetarëve shqiptarë. Kjo sallë nuk do t;i takojë duarve që ngrenë taksat e shqiptarëve”, tha Basha.
