Detaje të reja për vrasjen e Erigers Mihasit dhe Armando Dumanit mbrëmjen e kaluar në kryeqytet. Vrasja dyshohet të jetë kryer nga autorë me pagesë, ndërkohë që po kryhet ekspertimi balistik i armëve të gjetura në makinën e djegur në Thumanë, që dyshohet të jetë përdorur nga autorët.
Përveç automjetit nga i cili u qëllua drejt “Audit” me të cilin lëviznin dy viktimat, dyshohet se në vrasje është përdorur dhe një mjet tjetër që ka larguar autorët nga Thumana, ku u gjet e djegur makina e përdorur nga ta. Policia ka shoqëruar disa persona, kryesisht lidhje të dy viktimave, por edhe persona që mendohet se mund të kenë dijeni për krimin. Ndërkohë, dyshohet se ka pasur edhe persona të tjerë të përfshirë në vrasje veç autorëve, në rolin e vëzhguesve.
Policia po heton intensivisht për zbardhjen e krimit të dyfishtë që ndodhi dje në zonën e Astirit, ndërsa pista kryesore është ajo larjes së hesapeve, pasi viktimat rezultojnë persona me të shkruar kriminale.
