“Love Story” do të nisë transmetimin në Tv Klan më datë 15 nëntor, në orën 20:10. Spektakli do të vijë me disa të reja pasi në fron do të jenë dy pretendentë, një vajzë dhe një djalë që do të zgjedhin mes konkurrentëve.
Këtë sezon do të kemi mundësinë që personazhet e programit t’i shohim edhe përgjatë ditëve të javës në “Love Story Talk”. Në spotin e publikuar në faqen e “Love Story” mund të dëgjojmë teksa komentojnë dy opinionistet e programit ditor Xhensila Pere dhe Zhaklina Lakatari.
“Love Story Talk” do të drejtohet nga Eni Shehu, çdo ditë nga e marta në të premte në ekranin e Tv Klan.
Kirsti Aliaj, djali i Robert Aliajt, i cili është edhe opinionisti i programit, është protagonisti kryesor. Kristi është një ekspert parfumesh dhe tashmë do të kërkojë dashurinë në ekran.
Së fundmi, kudo po përflitet se Bleona Qereti do të jetë opinioniste krah Robert Aliaj çdo të hënë gjatë spektaklit të drejtuar nga Alketa Vejsiu. Bleona do të lërë pezull projektet e shumta në Amerikë, për të dhënë opinionet e saj në këtë emision dashurie.
