Një aksion kundër furrave ilegale të gëlqeres po zhvillohet në Krujë. Bëhet me dije se inspektorë të IKMT, inspektorë të Bashkisë, Policia, e shërbimi i Zonave të Mbrojtura kanë zbarkuar në Krujë për asgjësimin e këtyre furrave që ushtrojnë aktivitetin e tyre në zonë e mbrojtur Krastë-Vrion.
Janë 11 furra gëlqereje të cilat janë të përqendruara kryesisht në zonën e Krastës së Krujës, që janë planifikuar për t’u shembur ditën e sotme.
Edhe pse këto furra janë shembur disa here ndër vite, dyshohet se ato janë ringritur përsëri nga personat që ushtrojnë këtë aktivitet.
