Një adoleshent është plagosur me thikë në Shkodër këtë të Enjte. Raportohet se ai ndodhet në spital, jashtë rrezikut për jetën. Sipas policisë, 17-vjeçari është goditur nga një shok i shkollës, jashtë ambienteve të institucionit arsimor.
“Në Spitalin Rajonal Shkodër është paraqitur i dëmtuar me mjet prerës thikë, shtetasi J.F., 17 vjeç. Nga veprimet paraprake rezulton se është konfliktuar jashtë ambienteve të shkollës me shokun e tij të klasës me shtetasin E. N., 17 vjeç për motive të dobëta. I dëmtuari ndodhet në spital jashtë rrezikut për jetën”, njoftoi policia.
Blutë konfirmuan se kapën dhe shoqëruan autorin e ngjarjes.
Grupi hetimor vijon punën për sqarimin e rrethanave të ngjarjes, shtuan të njëjtat burime.