Kryeministri Edi Rama ka pritur në një takim 3 kongresmenët amerikanë, që një ditë më parë erdhën në Shqipëri, për tu takuar me drejtuesit politikë në vend. E pranishme në takim ishte edhe ambasadorja Yuri Kim, e cila të dielën njoftonte “kënaqësi e madhe të mirëpres anëtarët e Kongresit të Shteteve të Bashkuara Elissa Slotkin, David Valadao dhe Jake LaTurner në Tiranë për diskutime të rëndësishme me udhëheqësit shqiptarë”.
Ndërkohë sot, Kryeministri Edi Rama ka publikuar në rrjet foto nga takimi, duke shkruar “me senatorë e kongresmenë nga Shtetet e Bashkuara, në një rrugë miqësie e partneriteti që forcohet dita-ditës”.
Nga fotot e publikuara nga Rama ka disa momente pikante, që nisin nga ngritja e dy gishtave nga mbasadorja Kim, te dekoratat që iu dhanë kongresmenëve amerikanë, pavarësisht se nuk thuhet motivi sepse janë dekoruar.
Gjithashtu nuk jepen detaje lidhur me arsyet e vizitës së delegacionit amerikan në Tiranë, diskutimet apo çështjet që kanë interes.
