Deputeti i Partisë Demokratike, Edmond Spaho u shfaq skeptik për mënyrën se si do të zbatojë qeveria “Green Pass”. Gjatë diskutimeve në Komisionin për Ekonominë dhe Financat, Spaho i kërkoi Manastirliu të tregojnë planin se si do të zbatohet pasi sipas tij nuk mund të vendoset polic në hyrjen e çdo lokali apo restoranti.
Ndërsa Manastirliu iu përgjigj duke treguar se “Green Pass” është në tryezë dhe mund të zbatohet nga situata epidemiologjike në vendin tonë. Ministrja e Shëndetësisë pranoi se nuk mund të kontrollohet hyrja në vende publike me anë të policisë por theksoi se duhet sensibilizimi i njerëzve që kjo masë të zbatohet rregullisht.
Debatet
Edmond Spaho: Jam skeptik për “Green Pass” po e vendoset si do e kontrolloni. Do vendosësh polici në cdo lokal apo restorant, jam skeptik se kjo masë do të influencojë. Përse nuk merren masa për universitet ku është gjendja skandaloze hyjnë të vaksinuar dhe të pavaksinuar. Po e vini re që në universitete po aplikohet mësimi online, po pse ky ishte qëllimi që studentët u vaksinuan dhe tani prap mësimi bëhet online, 3 ditë online dhe dy ditë bëhet mësimi në auditor. Masa të penalizojë këta që nuk vaksinohen dhe tu japë avantazh ata që janë vaksinuar.
Ogerta Manastirliu:: Ne kemi vendosur detyrimin për paraqitjen e Green Pas për studentët në Universitet. Jemi duke rritur pjesën e personave që po vaksinohen, jemi duke bashkëpunaur me Universitetet se duhet ndërgjegjësim edhe i pedagogëve që ky proces të behet i shpejtë. Ne kemi vendosur grupe vaksinatorësh, ky proces kërkon bashkëpunimin e universiteteve. Ne nuk rekomandojmë si të bëhet mësimi, ne themi që çdo student që futet në auditor duhet të jetë i vaksinuar pasi vaksina i mbron të gjithë. “Green Pass” është vendosur në të gjithë Europën që po vuan sërish nga përhapja e rasteve të reja. Vende si Austria për shembull ka përfshirë në masat e përhapjes së virusit. Është e vërtetë që ne “Green Pass” e kemi si një opsion në tryezë por pa dyshim duhet të kemi të gjithë garancinë e zbatueshmërisë së tij. Është e vërtetë që ne nuk kemi policë për ta vendosur në cdo bar, restorant por ka të bëjë aspekti i përgjithshëm për të sensibilizuar njerëzit”.
