Zyrtarizimi i Xavi Hernandez duket se nuk ka dhënë efekte te skuadra e Barcelonës. Katalanasit menduan se u rikthyen te fitorja me goleadë ndaj Celta Vigos në transfertë dhe ku në pjesën e parë u pa Barcelona e dikurshme që dhuronte spektakël.
Në fraksionin e parë, Barcelona pothuajse mbyll ndeshjen me tre gola, të Ansu Fati që në 5’, Busquets në 18’ dhe Depay në 34’ por pjesa e dytë ishte ajo e Barcelonës së vjetër.
Katalanasit pësojnë dy gola me Iago Aspas 53’ dhe Nolito 75’ duke treguar se ka ende shumë vend për t’u përmirësuar dhe punuar me Xavin dhe në sekondat e fundit ishte sërish Iago Aspas që shënon golin e barazimit 3-3.
