Ish-kryeministri Sali Berisha deklaroi këtë te Premte nga “Foltorja e Lushnjes” se qeveria dhe politikat e saj po zhvlerësojnë rolin e familjes.
“Çfarë vlere ka kjo që të quash prindi 1 dhe prindi 2. Po zhvlerësohet familja. Mirë Rama e dimë kush është, po Basha pse nuk flet? Kjo sepse nuk guxon. Soros synon të shkatërrojë PD-në, ne do të rindërtojmë forcën konservatore shqiptare më të fortë se kurrë, bazuar në interesin kombëtar, familjen, lirinë dhe të drejtat e qytetarëve. Nuk po pyetet për vlerat e shqiptarëve, por po bazohen në ateizëm, duke lejuar adaptime në individ të vetëm, që i hapet rruga trafikimit të fëmijëve”, deklaroi Berisha.
“Basha po e shkëput PD-në nga vlerat e saj të djathta dhe po e bën të majtë, PD ka injoruar në mënyrë absurde rolin vendimtar të grave në shoqërinë tonë, mundin dhe diskriminimin e tyre të madh, që iu bëhet sot”, u shpreh Berisha.
