Në Grupin B të Champions League, ekipi i pare që kualifikohet është Liverpooli. Skuadra më në formë për momentin, jo vetëm në Premier League por edhe në Champions, dominoi 2-0 ndaj rivalëve të Atl. Madrid, sukses që i çon automatikisht në fazën e 1/8 skuadrën e Klopp.
Në “Anfield Road” u vendos gjithçka në pjesën e parë kur Diogo Jota në 13’ dhe Mane në 21 shënuan shpejt për të tronditur spanjollët të cilët mbetën edhe me 10 lojtarë pasi Felipe doli me të kuq. Me 12 pikë në 4 ndeshje, Liverpooli blindon vendin e pare dhe kualifikimin teksa Atletico tani duhet të bëjë llogaritë me Porton.
Në Grupin D, Interi merr në dorë fatin e saj në Champions pasi mundi sërish Sheriff Tiraspol në Moldavi kësaj radhe duke kaluar në vend të dytë në grup.
3-1 ishte suksesi i zikaltërve që pasi tentuan në fraksionin e pare, shpërthyen në pjesën e dytë me golat e Brozoviç 54’, Skriniar 66’ dhe Alexis Sanchez 82’.
