Lirim Zendeli mbyll konkurrimin në Formula 2. Kjo pavarësisht faktit se është një pilot shumë premtues dhe cilësohej si shqiptari i parë që kishte shanse të garonte në Formula 1.
Por, nga ëndrra për të pilotuar makinat përkrah emrave si Hamilton e Verstappen, 22-vjeçari është detyruar të tërhiqet nga edicioni aktual.
Shkak janë problemet financiare me sponsorët. Zendeli njoftoi se garimi ishte mjaft i vështirë prej krizës së krijuar nga pandemia, por reduktimin i mëtejshëm i buxhetit e bën të pamundur që ai të zbresë në pistë.
