Analisti Fatos Lubonja, i ftuar në emisionin “Pikat mbi I” në News 24, tha se opozita duhet të ulërasë për gjërat që po ndodhin, ndërsa shtoi se sistemi i ka kapur të gjithë.
Madje Lubonja tha se edhe kreu demokrat Lulzim Basha është nënshtruar.
“Para zgjedhjeve të qershorit, ku PD kishte premtuar që mos të lejonte që mos të bëheshin zgjedhjet, kam pasur një bisedë të rëndësishëm me ata të PD. Nuk ishte as Berisha.
Në atë kohë, duke qenë se kisha dyshim që kjo është parti sistemi dhe s’i nxjerr dot njerëzit në rrugë për të bërë një gjë të fuqishme. Më thanë; “Po lejuam ne 30 qershorin, që të bëjë ky zgjedhje, PD ka marrë fund. Ne nuk duhet ta lejojmë kurrsesi”.
E kam takuar këtë person dhe i thash të kujtohet se çfarë kam thënë. Po të jetë për analizë, jam më mirë se Palmer për Shqipërinë, por nuk më dëgjonte njeri. Këtu duhej reflektuar.
Kam pasur rezerva për PD atëherë. Kur ndodhi kjo i kam thënë; më ke thënë se shkatërrohet PD po lejuam zgjedhjet. Rama ia kishte bërë shkatërrimin. I kishte kalkuluar ai të gjitha. Në këtë situatë, të kthehesh ti te rruga parlamentare siç të thotë ai; ‘shko voto vettingun’, dhe as e merr në diskutim fare që ka opozitë.
Berisha nuk fiton, por do marrë ca dhe do ikin ça. Është e mbaruar PD për ato arsye që ai tha. Ky sistem i ka kapur njerëzit gjithnjë e më shumë. Njerëzit që kishin interes që të fitonte PD, janë shumë pak, pasi i ka kapur pushteti. Basha i është nënshtruar sistemit të status-quo-s. Duhet të ishin bashkë të dy dhe të bënin një reflektim. Basha duhet të flasë me partinë dhe jo me Yuri Kim, duhet të flasë me votuesit”, pohoi Lubonja.
