Drejtoresha e fotografisë së filmit “Rust”, Halyna Hutchins, mbeti e vrarë gjatë xhirimit të një skene, për shkak se aktori Alec Baldwin e qëlloi me një armë që ishte e mbushur me plumba të vërtetë.
Së fundmi, është zbuluar çfarë tha Hutchins para se të ndërronte jetë në spital. Fjalët e 42-vjeçares së ndjerë, e cila ishte nënë e një djali 9-vjeçar, u raportuan nga e përditshmja “Los Angeles Times”, e cila i është referuar intervistave të njerëzve që po punonin për filmin “Rust”, si dhe e-maileve dhe mesazheve të tyre.
Hutchins kishte rënë në krahët e krye-elektriçistit teksa nga gjoksi nisi t’i dilte gjak. Pasi u qëllua, Hutchins i tha një operatori në sheshxhirim: “Kjo nuk ishte gjë e mirë. Kjo nuk ishte aspak gjë e mirë! Çfarë dreqin, çfarë po ndodh? Kjo po më djeg.”
Baldwin më pas kishte vendosur armën në një stol dhe kishte thënë: “Çfarë dreqin ndodhi?.Mjekët, ku janë mjekët”.
