Një shtetase 69-vjeçare humbi jetën ditën e sotme në zonën e Astirit në Tiranë, ndërsa u raportua për një zjarr që kishte rënë në banesën e saj.
Ndërkohë që të tjera detaje janv zbuluar lidhur me ngjarjen.
Viktima, e identifikuar si shtetasja Lumturi Zaimi, ka humbur jetën si pasojë e asfiksisë. 69-vjeçarja u gjet e pajetë nga vajza e saj, ndërsa në momentin që kanë shkuar ekipet zjarrfikëse në banesën ku ndodhej e moshuara nuk kishte flakë.
Dyshohet se ngjarja mund të ketë ndodhur për shkak të ndonjë dysheku me korent që mund të përdorte viktima, i cili mund të jetë djegur dhe ka krijuar tymra që më pas kanë asfiksuar të moshuarën.
Ndërkohë policia po punon për zbardhjen e plotë të kësaj ngjarje.
