Një tjetër aksident është regjistruar në akset rrugore të vendit. Nga raportimet mësohet se një automjet tip Mercedez, i drejtuar nga shtetasi A. Ç., 51 vjeç, banues në fshatin Dhëmblan, Tepelenë, ka goditur shtetasen F. D., 69 vjeçe, banuese po në këtë fshat. E plagosura është transportuar drejt spitalit rajonal të Gjirokastrës, ndërsa drejtuesi i mjetit është shoqëruar në komisariat nga policia.
Njoftimi i policisë:
Specialistët e Trafikut Interurban dhe Urban arrestuan në flagrancë shtetasin A. Ç., 51 vjeç, banues në fshatin Dhëmblan, Tepelenë, pasi duke drejtuar mjetin tip furgon “Benz” ka goditur shtetasen F. D., 69 vjeçe, banuese në fshatin Dhëmblan, e cila ndodhet në spitalin Rajonal Gjirokastër jashtë rrezikut për jetën.
Materialet në ngarkin të shtetasit A. Ç. i kaluan Prokurorisë Pranë Gjykatës së Shkallës së Parë Gjirokastër për veprime të mëtejshme
