Pas një viti dhe 3 muajsh, Ronald Koeman u largua nga drejtimi i Barcelonës duke dështuar edhe pse dështimi nuk mund t’i faturohet atij pasi skuadra ka shumë probleme.
Shkarkimi i 58-vjeçarit ndoshta ka qenë edhe më pare në mendjen e Laportas por fakti që do të paguante shumë para e ka kursyer por dje erdhi dhe fundi i rrugëtimit për të.
Ajo që mund ta ngushëllojë disi Koeman pas largimit të parakohshëm është fatura financiara që ka Barcelona për ta likujduar dhe nuk bëhet fjalë për pak para.
12 mln Euro do të marrë trajneri holandez në formë dëmshpërblimi për shkarkimin nga Barcelona dhe këtu futet paga e mbetur bashkë me disa bonuse që lidheshin me largimin e tij nga Holanda të cilat do t’i përfitonte në Spanjë dhe që tani duhet t’ia japë Laporta.
Për Koeman, ndoshta tani mund të flitet sërish për një rikthim te Holanda pasi e ka pranuar dhe vetë që është penduar që iku aq shpejt.
